भदौ ९ गते ढोरपाटन
ढोरपाटन नगरपालिकामा स्वास्थ्य संस्थाहरूले आर्थिक बर्ष २०८०÷०८१ मा सम्पादित स्वास्थ्य कार्यक्रमको वार्षिक समीक्षा गरिएको छ ।
स्वास्थ्य शाखाको आयोजनामा सञ्चालित कार्यक्रम अन्र्तगत नगरपालिका भर रहेका १३ वटा स्वास्थ्य संस्थाको वार्षिक सम्पादित कार्यक्रमको प्रस्तुतीकरण सँगै समीक्षा गरिएको हो
ढोरपाटन नगरपालिकाले स्वास्थ्य क्षेत्रमा पर्याप्त लगानी गर्दे गर्दा धेरै सूचकहरूमा सक्रियता देखिएपनि अझै पनि स्वास्थ्य संस्थामा नगई घरमै सुत्केरी हुने महिलाको सँख्या बढि रहेको चुनौतीको रुपमा पाइएको छ ।
१३ वटै स्वास्थ्य शाखा प्रमुखले गरेको वार्षिक सम्पादित कार्यक्रमको प्रस्तुतीकरण अन्तरगत उक्त समस्या चुनौतीको रुपमा रहेको र अवका दिनमा यसलाई महत्वपूर्ण स्थान दिएर अगाडि बढ्नुपर्ने समीक्षा गरिएको हो ।
ढोरपाटन नगरपालिका कार्यवाहक मेयर धन बहादुर कायतको अध्यक्षतामा आयोजित कार्यक्रममा जिल्ला जनस्वास्थ्य कार्यालय बागलुङका प्रमुख बाबुराम आर्चायको प्रमुख आतिथ्यता रहेको थियो ।
प्रमुख अतिथि आर्चायले बोल्दै ढोरपाटन नगरपालिकाले स्वास्थ्य क्षेत्रलाई महत्वपूर्ण स्थान दिएको बताउँदै अझैपनि सुभार गरेर लैजानुपर्ने विषयलाई प्राथमिकता दिनुपर्नेमा जोड दिनुभयो ।
त्यस्तै कार्यक्रमका अध्यक्ष समेत रहनु भएको ढोरपाटन नगरपालिका कार्यवाहक मेयर धन बहादुर कायतले बोल्दै नगरपालिकाले स्वास्थ्य र शिक्षालाई पहिलो प्राथमिकता दिएर अगाडि बढिरहेको बताउँदै आफ्ना नागरिकलाई स्वास्थ्य, सचेत र बौद्धिक बनाउन सके मात्र समग्र नगरको विकास हुने बताउँदै पालिकाले गरिरहेको मिहिनेत र लगानी अनुसार क्रमिक रुपमा परिणाम आइरहेको बताउँदै अझै पनि स्वास्थ्यलाई विशेष प्राथमिकता दिएर अगाडि बढिने बताउनु भयो ।
मातृ र शिशु मृत्यु दरलाई रोक्नका निम्ती स्वास्थ्य संस्थामै पुगेर सुत्केरी हुने परिपाटीको व्यवस्था गर्न सबै पक्षले साथ दिनुपर्नेमा जोड दिनुभयो । वडा नम्बर ६ र ९ ले स्वास्थ्य संस्थामा गई सुत्केरी हुने आमा हरुका लागी विशेष प्रोत्साहन भत्ताको समेत व्यवस्था गरेको पाइएको छ ।
बार्षिक कार्यसम्पादन प्रगती प्रतिवेदन अनुसार खुँगा स्वास्थ्य चौकी प्रथम, बुर्तिबाङ स्वास्थ्य केन्द्र दिर्तिय र गाडीखोला आधारभुत स्वास्थ्य केन्द्र तिर्तिय भएको ढोरपाटन नगरपालिका स्वास्थ्य संयोजक भुमिश्वर सर्माले बताउनु भयो ।
आयोजित कार्यक्रम जनस्वास्थ्य निरीक्षक केशव थापाले सञ्चालन गर्नुभएको थियो ।
