भाद्र २ गते
२०८० साल जेठ महिनामा इमेज बचत तथा ऋण सहकारी संस्थाको रकम अपचलन गरि फरार रहेका देवकुमार नेपाली र ढोरपाटनका इमेज सहकारी पीडित बचत कर्ता बिच कानुनी रुपमा मिलापत्र गरी बचत रकम फिर्ताको विषयमा अगाडि बस्ने विषयमा छलफल भएको पाइएको छ ।
इमेज सहकारी पीडित बुर्तिबाङका संयोजक यम बहादुर कुवँरका अनुसार बुर्तिबाङ सेवा केन्द्रबाट अदालतमा मुद्दा दर्ता गराएको बचत कर्ताको भेलाले देवकुमार नेपाली सँग अदालतमा मिलापत्र गरी अगाडि बढ्ने र सहमति पछि देवकुमार नेपाली सँग रहेको सम्पती आफूहरूले प्राप्त गर्ने विषयमा देवकुमार नेपाली सँगको छलफल पछि आफूहरू मिलापत्रको प्रकृयामा अगाडि बढिएको बताउनु भयो ।
देवकुमार नेपाली हाल भारतमा रहेको र बुर्तिबाङ सहित गल्कोट, बागलुङ र पोखराका इमेज पीडित सङ्घर्ष समितका बिचमा पनि मिलापत्र माफर्त अगाडि बढ्ने विषयमा छलफल भइरहेका कारण चाँडै टुङ्गोमा पुग्ने गरी काम भइरहेको सङ्घर्ष समिति केन्द्रिय कोषाध्यक्ष तथा ढोरपाटनका संयोजक यम बहादुर कुवँरको भनाई छ ।
बुर्तिबाङबाट बचतकर्ताले देवकुमार नेपाली र इमेज सहकारी सञ्चालक समिति सँग मिलापत्र गर्न राजी रहेको र प्रतिनिधिको रुपमा यम बहादुर कुवँरलाई सरकारी वकिल मार्फत अदालतमा मिलापत्रका लागी पठाउने विषयमा निर्णय समेत गरेका हुन ।बुर्तिबाङबाट २३६ जना बचत कर्ताले अदालतमा मुद्धा दर्ता गराएको जनाइएको छ । देवकुमार नेपालीले बचत कर्ता पिडित संग फोन मार्फत चाँडो प्रकृया पुरा गर्न आग्रह गर्दे आएका छन ।
मिलापत्र गर्नका निम्ती ४ वटै सेवा केन्द्रबाट ५ जनाको समिति गठन गरिएको र अदालतबाट मिलापत्र भएपछि मात्रै देवकुमार नेपालीले पीडितलाई आफूसँग रहेको सम्पत्ति नामसारी गरिदिने प्रकृया रहेको बुझिएको छ ।
