साउन ३१
ढोरपाटन नगरपालिका र वडा नम्बर १ को सक्रियतामा बुर्तिबाङ बजारमा लामखुट्टे नियन्त्रणका निम्ती लामखुट्टे खोज र नस्ट अभियान सुचारु गरिएको छ ।
गतबर्ष यस समयमा लामखुट्टे सङ्क्रमित बिरामीको सँख्यामा वृद्धि भएको अवस्थालाई मध्यनजर राख्दै यसबर्ष सर्तकता सहित लामखुट्टेका लार्भा नष्ट गर्ने र पुराना ट्युव पानी जम्ने भाँडा , खाल्डा , तथा बढि झारपात भएको स्थानलाई सफा गर्दे सचेतना कार्यक्रम समेत सञ्चालन गरिएको वडा अध्यक्ष वान बहादुर छन्त्यालले बताउनु भयो ।
ढोरपाटन नगरपालिका, स्वास्थ्य शाखा, वडा नम्बर १ को कार्यालय, प्रहरी, नगर प्रहरी, स्वास्थ्य कर्मी सहितको टोलीले लामखुट्टे नियन्त्रण अभियान सञ्चालन गरेको जनाइएको छ । यसवर्ष बुर्तिबाङमा डेँगु सङ्क्रमितको मात्रा कम रहेपनि अब वृद्धि हुन सक्ने भन्दै सर्तकता अपनाइएको बुर्तिबाङ स्वास्थ्य केन्द्रका प्रमुख डा नविन्द्र ढकालले बताउनु भयो ।
