तमानखोलाका महिलाको नेतृत्व विकास गर्न उद्घोषण तथा भाषण कला तालिम ।

तमानखोला गाउँपालिकाले आयोजना गरेको २ दिने उद्घोषण तथा भाषणकला सम्बन्धी तालिम मंगलबार सम्पन्न भएको छ ।

गाउँपालिका अन्र्तगत रहेका महिला जनप्रतिनिधि, पालिका स्तरीय महिला समिति र वडा स्तरीय महिला समितिका लागि लक्षित गर्दे  आयोजना गरिएको तालिममा ६ वटै वडाबाट ६० जना महिलाहरूको उपस्थिति रहेको थियो ।

महिलाहरूलाई बोल्न सक्ने, नेतृत्व गर्न सक्ने बनाई उनीहरू लाई जिम्मेवार बनाउने र आत्मनिर्भर सँगै समाजमा नेतृत्व बहन गर्ने भूमिकामा ल्याउनका निम्ति यस्तो प्रकारको कार्यक्रम आयोजना गरिएको गाउँपालिका अध्यक्ष जोक लाल बुढाले बताउनु भयो । तमानखोला गाउँपालिकाको आयोजना, सामुदायिक रेडियो ढोरपाटनको व्यवस्थापनमा सञ्चालित तालिमबाट सहभागि महिलाहरूले आफूलाई यस प्रकारको तालिमले जीवनमा थप उत्प्रेरणा प्राप्त भएको र आफूहरूमा बोल्न सक्ने, नेतृत्व गर्न सक्ने र समाजमा हुने नराम्रा गतिविधिका विरुद्ध अगाडि बढ्न सक्ने क्षमता प्राप्त भएको बताउँदै समाज नेतृत्वमा अग्रणी रुपमा रहेर आफूहरूले भूमिका निर्वाह गर्ने बताएका हुन ।
आमा समुह सँग उपाध्यक्ष कार्यक्रम लगायतका विविध कार्यक्रम गर्दे महिलालाई थप जिम्मेवार र नेतृत्व तहमा लैजानु पर्दछ भन्ने मान्यताका साथ विभिन्न कार्यक्रम गर्दे आउनु भएका गाउँपालिका उपाध्यक्ष हिरा कुमारी छन्त्यालले बोल्दै यस्ता कार्यक्रमले महिलाको क्षमता विकास सँगै आफूहरूले जिम्मा लिएका संघ संस्थामा सक्रिय पूर्वक काम गर्न सक्ने सार्मथे ल्याउनका निम्ति उद्घोषण कला र भाषण कला तालिमले महत्वपूर्ण सहयोग पुग्ने बताउँदै आगामी दिनमा पनी यस्ता कार्यक्रम सञ्चालन गर्दे जाने बताउनु भयो ।
महिला बालबालिका समिती संयोजक भिम कुमारी छन्त्यालको अध्यक्षतामा आयोजित समापन सत्रको कार्यक्रम गाउँपालिका अध्यक्ष जोकलाल बुढाको प्रमुख आतिथ्यता, उपाध्यक्ष हिरा कुमारी छन्त्यालको शिविष्ठ आतिथ्तता रहेको थियो । कार्यक्रमा सहभागिहरुले आफुहरुलाई दुई दिन सम्म दिइएको तालिमले व्यवहारिक, जिम्मेवार र आगामी दिनमा हरेक कार्यक्रममा निर्धक्क भएर बोल्न सक्ने ज्ञमताको विकास भएको बताएका छन । तालिममा पहिलो दिन पत्रकार महासंघ गण्डकी प्रदेश परिषद सदस्य थम्मन थापा र पत्रकार महासंघ गण्डकी प्रदेश परिषद सदस्य एवम् सामुदायिक रेडियो ढोरपाटनका स्टेशन प्रमुख  छविलाल पाण्डेले दुई दिन सम्म  प्रशिक्षण दिनुभएको थियो । 

प्रतिक्रिया दिनुहोस

LEAVE A REPLY

Please enter your comment!
Please enter your name here

सम्बन्धित