बुर्तिबाङ र गल्कोटका इमेज पीडितले मुद्दा फिर्ता लिने तयारीमा  ।

 बुर्तिबाङ जेठ १४ गते

बुर्तिबाङ र गल्कोटका इमेज पीडितले आफूहरूले अदालतमा दर्ता गराएको मुद्दा फिर्ता लिने निर्णय गरेका छन ।

सोमबार बुर्तिबाङमा बसेको संघर्ष समिति र केही पीडित बचतकर्ताको एक भेलाले आफूहरूले हालसम्म पनि सहकारीमा जम्मा गरिएको रकम फिर्ता पाउने अवस्था नआएपछि मुद्दा फिर्ता लिएर देब कुमार नेपालीलाई मार्ग प्रसस्त गर्ने र देवकुमार नेपालीको बुर्तिबाङमा रहेको सम्पत्ति जफत गरेर राख्ने निर्णय गरिएको संघर्ष समिति गल्कोटका अध्यक्ष मञ्जु शर्माले बताउनु भयो ।

इमेज बचत तथा ऋण सहकारी संस्थाको अरबौँ रकम हिनामिना पारेर ढोरपाटन नगरपालिका मेयर तथा इमेज सहकारीका संस्थापक अध्यक्ष फरार भएको एक वर्ष कटिसक्दा समेत हालसम्म बचत कर्ताले आफ्नो रकम फिर्ता पाउन नसकेका हुन ।

आफूहरूको मुद्दाको कारण देवकुमार नेपालीलाई पीडित समक्ष आएर बचत फिर्ता गर्ने वातावरण समेत नभएका कारण अन्तिम विकल्पमा मुद्दा फिर्ता लिने तयारी गरिएको बचतकर्ताको भनाई छ ।

“सर्माले भन्नुभयो हामीलाई देवकुमार नेपालीका मान्छेबाट चितवन, काठमाण्डौ लगायत क्षेत्रमा रहेको जग्गा लिन अपर आएपनि आफूहरूले बुर्तिबाङ बाहेक अन्यत्रको जग्गा नलिने निर्णय सँगै मुद्दा फिर्ता लिने र यहाँको सम्पत्ति कब्जा गरेर राख्ने तयारी गरिएको छ । ”

सयौँ बचत कर्ताले आफ्नो बचत रकम फिर्ता हुनुपर्ने माग सहित अदालतमा मुद्दा दर्ता गराउँदा समेत आफूहरूले न्याय नपाएको भन्दै गल्कोट र बुर्तिबाङ क्षेत्रको एक भेलाले आफूहरूले राखेको मुद्दा फिर्ता गर्ने निर्णय भएको संघर्ष समिति बुर्तिबाङका अध्यक्ष यम बहादुर कुवँरको भनाई छ । बुर्तिबाङका १५० जना पीडितले अदालतमा मुद्दा दर्ता गरेका छन ।

यहाँको मात्रै ८ करोड बढिको मुद्दा दर्ता भएको छ भने गल्कोटबाट ३०० जना पीडितले मुद्दा दर्ता गराएका थिए ।

 गल्कोटका बचतकर्ताले १५ करोड बराबरको बिगो दाबी सहित मुद्दा दर्ता गराएका अध्यक्ष शर्माले बताउनु भयो । उता राष्ट्रिय सहकारी बैँकले १५ दिने सूचना निकाल्दै नेपालीले ऋण स्वरुप लिएको रकमको धितोमा राखिएका जग्गा लिलामीको सूचना गत जेठ ८ गते प्रकाशन गरिसकेको छ ।

यता पीडितहरूले लामो समयसम्म प्रतिक्षा गर्दा समेत न्याय पाउन सकिरहेका छन । गल्कोट , बुर्तिबाङका पीडितले छुट्टै तवरले कार्यक्रम भेटघाट गर्दे आइरहेका छन बागलुङ र पोखराको संघर्ष समिति छुट्टै छलफल र बैठक बस्ने गरेका हुन। बुर्तिबाङका पीडितले मुद्दा फिर्ता लिने निर्णय भएको र गल्कोटमा समेत आफूले समन्वय गरेर चाँडै मुद्दा फिर्ता लिने तयारीमा रहेको मञ्जु शर्माको भनाई छ ।

संघर्ष समितिले बुर्तिबाङमा रहेको दरबार होटल विगत डेढ महिना देखि सञ्चालन गर्दे आइरहेको हो कतिपय इमेज पीडित बचत कर्ता र फरार देवकुमार नेपाली बिच फोन संवाद  हुँदै आएको हल्ला चल्दै आएको छ । तर यस विषयमा मञ्जु चालिसेले देवकुमार नेपाली फरार भएदेखि उनको र आफ्नो कुनै संवाद नभएको दाबी गर्नुभयो ।

प्रतिक्रिया दिनुहोस

LEAVE A REPLY

Please enter your comment!
Please enter your name here

सम्बन्धित