निसीखोला बस दुर्घटना अपडेट : मृतक ९ जनाको सनाखत

चैत्र ६ गते बुर्तिबाङ

सोमबार साँझ बागलुङको निसीखोला गाउँपालिका ६ को जाउले पानी भन्ने स्थानमा भएको बस दुर्घटनामा पछिल्लो विवरण अनुसार ९ जनाको मृत्यु हुनुका साथै २४ जना घाइतेलाई थप उपचारका निम्ति धवलागिरी अञ्चल अस्पताल बागलुङ रिफर गरिएको छ जसमध्ये मृतकको सनाखत भएको छ ।

दुर्घटनामा दाङका १८ वर्षीय लक्की पुनमगर, पश्चिमरुकुम मुसिकोट १ का २७ वर्षीया बिनिता केसी, रुकुमपश्चिम मुसिकोट नगरपालिका २ रातामाटाका सवारी धनी बबिदेल नेपाली, मुसिकोट नगरपालिका ४ सोलाबाङका ३५ वर्षीया टीका केसी, मुसिकोट नगरपालिका ३ साँखकी कल्पना केसी, रोल्पा घर भएका गाडी चालक सुवास गौतम भनिने मानसिंह विक, गोर्खा घर भएकी गीता थापा, ललितपुरका सुजन महर्जन र रुकुमपूर्व सिस्ने गाउँपालिका ५ रुमालबाराका २५ वर्षीय विक्रम परियारको मृत्यु भएको सूचना अधिकारी प्रहरी नायब उपरीक्षक मदन केसीले जानकारी दिए ।

पश्चिम रुकुम देखि काठमान्डौका लागी छुटेको ००६ ख ३८७९ नम्बरको बागमती प्रदेशको बस सोमबार साँझ पौने पाँच बजे निसीखोला गाउँपालिका ६ को जाउले पानी भन्ने थाउँमा दुर्घटना हुँदा सडक देखि करिब १५० मिटर तल खसेको थियो ।

दुर्घटनामा परि ५ पुरुष ४ महिला गरि ९ जनाको मृत्यु भएको हो । ७ जनाको घटना स्थलमै र दुई जनाको उपचारको क्रममा मृत्यु भएको थियो ।

प्रतिक्रिया दिनुहोस

LEAVE A REPLY

Please enter your comment!
Please enter your name here

सम्बन्धित