बुर्तिबाङ असोज १५
आगामी मंसिर ४ गते हुन लागिरहेको प्रदेश सभा तथा प्रतिनिधी सभा निर्वाचनमा यसपटक क्षेत्र नं. २ बागलुङको हकमा बुर्तिबाङबाटै मतगणना हुने भएको छ ।
विगतमा बागलुङ बजारबाट हुने जिल्लाभरको मतगणना यसपटक ढोरपाटन नगरपालिका २ मा स्थापना गरीएको निर्वाचन अधिकृतको कार्यालयबाट क्षेत्र नं. २ को मतगणना हुने निर्वाचन अधिकृत वाबुराम पाण्डेले बताउनु भयो ।
६ वटा पालिका रहेको यस क्षेत्रको मतगणना यहिँबाट हुने गरी व्यवस्था भएको छ , हामीहरु सोहि वमोजिम निर्वाचन तयारीमा जुटिसकेका छौँ निर्वाचन अधिकृत पाण्डेले भन्नु भयो ।
ढोरपाटन नगरपालिका २ स्थित बुर्तिबाङ नयां शहर आयोजनाको भवनमा शनिवार एक कार्यक्रमका विच निर्वाचन अधिकृतको कार्यालय स्थापना गरीएको हो । यहाँस्थित जनप्रतिनिधी, राजनैतिक दलका प्रतिनिधी, पत्रकार, सुरक्षाकर्मी लगाएतको उपश्थितीमा आयोजित कार्यक्रममा अधिकृत पाण्डेले निर्वाचनलाई शान्त, मर्यादित र निश्पक्ष हुने गरी आफुहरुले काम गर्ने र त्यसका निम्ती सम्पूर्ण राजनैतिक दलको समेत जिम्मेवारीता रहेका कारण निर्वाचनलाई सफल बनाउन सबैले सम्मोन्यकारी भुमिका खेल्नुपर्ने बताउनु भयो क्षेत्र नं. २ बाट यसपटकको निर्वाचनमा मतदान गर्न पन्चानब्बे हजार नागरीक सहभागि हुँदैछन ।
कार्यक्रममा ढोरपाटन नगरपालिका मेयर देवकुमार नेपाली, इलाका प्रहरी कार्यालय बुर्तिबाङका प्रमुख राजेश सर्मा अधिकारी, इलाका प्रशासन कार्यालय बुर्तिबाङ प्रमुख लोक बहादुर कुवँर, नेपाली कांग्रेस प्रतिनिधी तारानाथ पौडेल, नेकपा एमाले प्रतिनिधी लक्ष्मण पुन, माओबादी केन्द्र प्रतिनिधी निल बहादुर पुन, जनता समाजवादी पार्टी प्रतिनिधि गंगा घर्ती मगर लगाएत जनप्रतिनिधी, पत्रकारको उपश्थिती रहेको थियो ।
सहभागिले निर्वाचन अधिकृतको कार्यालय अपायकमा रहेको बताउँदै बुर्तिबाङ बजारमा सार्न अनुरोध गरेका छन उनिहरुले निर्वाचन पश्चात मतपेटिका ल्याउन तथा मतगणनाका क्रममा खान वस्न लगाएतमा असुविधा हुने भएका कारण बजार क्षेत्रबाट मतगणना हुने प्रवन्ध मिलाउन आग्रह गरेका हुन । कार्यक्रम सहाएक निर्वाचन अधिकृत ऋृषि रिजालले सञ्चालन गर्नुभएको हो ।
निर्वाचन अधिकृतको कार्यालय स्थापना, क्षेत्र नं. २ बागलुङको मतगणना बुर्तिबाङबाट हुने
