spot_img

डेंगीबाट बच्न बुर्तिबाङमा सचेतना मुलक कार्यक्रम,डेंगी संक्रमण बद्दो दरमा

बुर्तिबाङ असोज ९ गते
ढोरपाटन नगरपालिकाको आयोजनामा आइतबार बुर्तिबाङमा मलेरिया डेंगी लगाएतका किटजन्य रोगहरुको नियन्त्रणका लागि लामखुट्टेको वासस्थान खोजी गरी लार्भा तथा प्युपा नस्ट गर्ने अभियान सुरु गरीएको छ ।

पछिल्लो समय डेंगी रोगको संक्रमण क्रमिक रुपमा बृद्धि भइरहेको अवस्थामा रोग नियन्त्रणका निम्ती सचेतना र लामखुट्टेको वासस्थान खोजी गरी लार्भा तथा प्युपा नस्ट गर्ने अभियान सुरु भएको स्वास्थ्य सम्योजक केशव थापाले बताए ।
बागलुङमा मात्रै पछिल्लो समय ६५ जना डेंगीका सँक्रमित भेटिएको र ढोरपाटन नगरपालिकामा मात्रै त्यस्ता संक्रमित १० जना रहेको पाइएको छ । संक्रमण दर थप बृद्धि नहोस भन्नका निम्ती यस्तो अभियान सुरुवात गरीएको जिल्ला स्वास्थ्य कार्यालय बागलुङका निमित्त प्रमुख लक्ष्मि सर्माले बताउनु भयो । यो रोग लामखुट्टेको टोकाइको माध्यमबाट एक व्याक्ति देखि अर्का व्याक्तिमा सर्ने रोग भएका कारण समयमै सचेत हुनुपर्नेमा उहाँको जोड थियो ।

बागलुङमा ९ प्रजातिका लामखुट्टे छन जसका कारण डेंगी, हात्तिपाईले रोग, स्क्रव टाइफस , मलेरिया जस्ता रोग ब्ददो मात्रामा रहेको सर्माले बताउनु भयो । पछिल्लो समय देखिएको डेँगु रोगका कारण अत्याधिक ज्वरो आउने, टाउको दुख्ने, आँखाका गेडि दुख्ने, शरिरको जोर्र्नी, मांसपेशी दुख्ने समस्या विरामीमा देखिने गरेको पाइएको छ । डेंगीबाट बच्न लामखुट्टेको टोकाइबाट बच्ने र डेंगी भएको खण्डमा विरामीले प्रसस्त मात्रामा झोलिलो पर्दाथ खाने, आराम गर्ने, प्रसस्त पानी पिउने र स्वास्थ्य कर्मिको निगरानीमा रहनु पर्ने डा. अनिश थापाले बताउनु भयो ।

आयोजित कार्यक्रममा ढोरपाटन नगरपालिका उपप्रमुख धन बहादुर कायतले वोल्दै मानिसको सबैभन्दा महत्वपूर्ण धन स्वास्थ्य भएका कारण स्वास्थ्यको क्षेत्रमा सबै नागरीक सचेत हुनुपर्ने बताउनु भयो । नागरीकलाई स्वास्थ्य क्षेत्रमा सेवा सुविधा दिने तथा सचेत बनाउने दायित्व जनप्रतिनिधी र कर्मचारीको समेत रहेका कारण सबैले आफनो टोल वडा र समाजमा सचेतना मुलक कार्यक्रम गर्ने , सरसफाई अभियान सुचारु गर्ने गरी काम गर्नुपर्ने बताउनु भयो ।

ढोरपाटन नगरपालिका प्रमुख प्रशासकिय अधिकृत विष्णु प्रसाद ज्ञवाली, जनप्रतिनिधी, समाजसेवी टंक प्रसाद पौडेल, पत्रकार, स्वास्थ्य कर्मी, स्वास्थ्य महिला समुह, कर्मचारी लगाएतको उपश्थितीमा बुर्तिबाङ बजारमा सचेतना मुलक कार्यक्रम संगै बजार क्षेत्रमा लामो समयदेखि पानी जमेका टायर, वाल्टी, ड्रम, तथा खाल्डा खुल्डीको पानी फालेर अभियानको सुरुवात गरीएको हो । अव निरन्तर वडाको सक्रियतामा बजार सरसफाई गरीने वडा अध्यक्ष वान बहादुर छन्त्यालले बताउनु भयो । कार्यक्रम ढोरपाटन नगरपालिका स्वास्थ्य सम्योजक केशव थापाले सञ्चालन गर्नुभएको हो ।

प्रतिक्रिया दिनुहोस

सम्बन्धित