बागलुङको ढोरपाटन नगरपालिका ५ प्याङखोलामा शुक्रबार राती ट्याक्टर दुर्घटना भएको छ ।
बोबाङ देखि सालझण्डी ढोरपाटन सडक खण्डको वैकल्पिक मार्ग प्याङखोला मस्ति हुँदै बुर्तिबाङ आउने क्रममा ग १ त ६९८० नम्बरको ट्याक्टर दुर्घटना भएको हो । प्याङखोला नजिकै घुम्तिमा भएको दुर्घटनामा चालक ढोरपाटन नगरपालिका ६ चामिदुरवारका १८ बर्षिय आशिष घर्तिको घटना स्थलमै ज्यान गएको इलाका प्रहरी कार्यालय बुर्तिबाङका प्रमुख प्रहरी निरीक्षक तिलक मानन्धरले बताउनु भयो ।
रातको १ बजेतिर घटना घटेका कारण घटनाको कारण र थप क्षतीबारे अनुसन्धान भइरहको प्रहरीले जनाएको छ । ट्याक्टर सडकदेखि करिब ५० मिटर तल अर्काे घुम्तिमा अड्किएको र चालक ७० मिटर तल भेटिएको पाइएको छ ।
