सुर्खेत वीरेन्द्रनगर–१ की १६ वर्षीया इनिशा विकको हत्यामा संलग्न दोषीमाथि कडा कारबाहीको माग गर्दै बिहीबार इलाका प्रशासन कार्यालय बुर्तिबाङ, इलाका प्रहरी कार्यालय बुर्तिबाङ अगाडी स्थानीय युवा, विद्यार्थी तथा सामाजिक अभियन्ताहरूले प्रदर्शन गरेका छन् ।
ब्जारमा र्याली सहित भेला भएका उनिहरुले बलात्कारपछि हत्या गरिएको भन्दै विकलाई न्याय दिलाउन उनीहरुले माग गरेका हुन् । उनीहरुले घटनाको निष्पक्ष छानबिन गरी दोषीलाई कडा कारबाही गर्नुपर्ने माग गर्दै प्रमुख जिल्ला अधिकारी समक्ष ज्ञापन पत्र समेत बुझाए ।
विक सुर्खेतको उषा बालबाटिका विद्यालयमा विज्ञान संकायमा कक्षा ११ मा अध्ययनरत थिइन् । गत शनिबार बिहान वीरेन्द्रनगरस्थित जनजागरण सामुदायिक वनमा उनी बेहोस अवस्थामा फेला परेकी थिइन् । उपचारका लागि प्रदेश अस्पताल पुर्याएपछि चिकित्सकले उनलाई मृत घोषणा गरेका थिए।
घटनाको थप अनुसन्धान अब केन्द्रीय अनुसन्धान ब्युरो ९सिआइबी० ले गर्ने भएको छ । यस घटनामा संलग्न रहेको आरोपमा हालसम्म १८ वर्षमूनिका चार जना किशोरलाई प्रहरीले पक्राउ गरी अनुसन्धान गरिरहेको छ ।
इनिशाको न्यायका लागि बुर्तिबाङमा प्रदर्शन
प्रतिक्रिया दिनुहोस
