चट्याङ लागेर बागलुङको निसीखोलामा एक जनाको ज्यान गयो

बुर्तिबाङ असोज ५ गते
शुक्रबार साँझ ८ बजेतिर परेको चट्याङका कारण बागलुङको निसीखोला गाउँपालिका ३ मा एक जनाको ज्यान गएको छ । चट्याङका कारण निसीखोला गाउँपालिका ३ किटेनी स्थित सुजन बुढाको श्रीमती २४ बर्षिय रजना बुढाको ज्यान गएको हो ।
आफनै घरभित्र बसिरहेको अवस्थामा परेको चट्याङका कारण घटना स्थलमै रजना बुढाको मृत्य भएको जिल्ला प्रहरी कार्यालय बागलुङले जनाएको छ ।
घरको मिटर बक्स लगाएत विधुतीय सामाग्रि पूर्ण रुपमा जलेर नस्ट भएको छ । मृतकका १ छोरी र सासु घरमै रहेपनी उहाँहरु सकुशल रहेको निसीखोला गाउँपालिका ३ का अध्यक्ष रमेश विक्रम शाहीले बताउनु भयो । चट्याङका कारण स्थानीय छापाखानी गाउँमा विधुत आयोजना अवरुद्ध भएको छ ।