भाद्र २० गते बुर्तिबाङ
आर्थिक अभावमा शवको दाहसंस्कार गर्नबाट रोकिएको परिवारलाई सिटिजन लाईफ इन्स्योरेन्स कम्पनी शाखा कार्यालय बुर्तिबाङले उद्धार गरेको छ ।
बागलुङको वडिगाड गाउँपालिका १० दार्लिङ निगलपानीका भानसिंह विकको ११ बर्षिय छोरी गंगा विकको गत मँगलबार आत्महत्या गरी निधन भएपछि प्रहरी स्थानीयको सक्रियतामा बुर्तिबाङ स्वास्थ्य केन्द्रमा बुधबार पोष्टमार्टमका निम्ती ल्याइएकोमा बिहीबार बिहान पोष्ट मार्टम भएको थियो ।
पोष्ट मार्टम पश्चात शवको दाहसंस्कार गर्न परिवार सँग आर्थिक समस्या भएपछि दुई बजेसम्म अन्यौलमा बसेको परिवारलाई सिटिजन लाइफ इन्स्योरेन्स कम्पनी बुर्तिबाङका शाखा प्रबन्धक छविलाल पाण्डे, एजेन्सी म्यानेजर अमर बहादुर क्षेत्री, शिवलाल पाण्डे लगायतको सक्रियतामा शवको दाहसंस्कार गरिएको छ ।
लायन्स क्लब अफ ढोरपाटनका अध्यक्ष समेत रहेका पाण्डे सहित , लायन्स कृष्ण भण्डारी, सिटिजन लाइफ इन्स्योरेन्सका एजेन्सी म्यानेजर ढोरपाटन नगरपालिका २ सेराका स्थानीयको सक्रियतामा दाहसंस्कारमा सहयोग गरिएको थियो ।
बुर्तिबाङ देखि सवारीका साधनमा घर पुग्न ४ घण्टा लाग्ने र सवारीमा यात्रा गर्न आर्थिक अभाव तथा पैदल शव लिएर जाँदा दिनभर लाग्ने अवस्था रहेको र बुर्तिबाङ आसपासमा दाहसंस्कार गर्नका निम्ती दाउरा खरिद गर्न सक्ने अवस्था समेत नभएपछि सिटिजन लाईफ इन्स्योरेन्स कम्पनी बुर्तिबाङ र लायन्स क्लब अफ ढोरपाटनको टिमले दाउरा व्यवस्थापन सहित खाजाको समेत व्यवस्थापन गरेर पीडितको उद्धार गरेको सिटिजन लाईफ इन्स्योरेन्स कम्पनी बुर्तिबाङ शाखा प्रमुख छविलाल पाण्डेले बताउनु भयो ।
दुर्गम गाउँमा ज्याला मजदुरी गर्दे आएको परिवारमा दुखद घटना घटेसँगै पीडित परिवारले शवको दाहासंस्कारमा समस्या भएको भन्दै सहयोग गरिदिन अपिल गरेका थिए ।
मंगलबार बिहान घरबाट पानी लिन घर नजिकैको धारामा जान्छु भनी हिँडेकी गँगा घर नफर्किएपछि परिवार र स्थानीयले खोज तलास गर्दा घरदेखि करिब १ किलोमिटर टाढा झुण्डीएको अवस्थामा शव फेला पारेका थिय ।
इलाका प्रहरी कार्यालय बुर्तिबाङ को टोलीले घटना स्थलमा पुगेर घटनाको विषयमा बुझ्नुका साथै पोष्ट मार्टमका निम्ती बुर्तिबाङ ल्याएको थियो ।
