भाद्र ११ बुर्तिबाङ
जिल्लाको निसीखोला गाउँपालिका २ मा मङ्गलबार दुई वटा मोटरसाइकल एक आपसमा ठोकिँदा मोटर साईकलमा सवार ३ जना यात्रु घाइते भएका छन ।
मङ्गलबार दिउँसो काठमान्डौ देखि रुकुम तर्फ जाँदै गरेको बा ८० प ८११३ नम्बरको मोटर साइकलमा सवार रोल्पा थबाङ गाउँपालिका २ का ३० बर्षिय चालक गणेश रोका र सोही मोटर साइकलमा सवार ३८ बर्षिया मनोज पुन मगर घाईते हुनु भएको हो
त्यस्तै रुकुमबाट बुर्तिबाङ तर्फ आइरहेका लु ५३ प ९४२० का मोटरसाइकल चालक गुल्मि मुसीकोट नगरपालिका ६ का २९ बर्षिया विशाल शर्मा घाइते हुनु भएको हो । दुई दिसाबाट आइरहेका मोटरसाइकल एक आपसमा ठोकिएको इलाका प्रहरी कार्यालय बुर्तिबाङका प्रमुख प्रहरी निरीक्षक राज कुमार विकले बताउनु भयो ।
घाईते ३ जनामध्ये बुर्तिबाङ स्वास्थ्य केन्द्रमा उपचार पछि गणेश रोका र मनोज पुनलाई डिस्चार्ज गरिएको र विशाल शर्मालाई थप उपचारका निम्ती एम्बुलेन्स मार्फत पाल्पा रिफर गरिएको जनाइएको छ । दुई जनाको अवस्था सामान्य रहेका कारण सामान्य उपचार पछि रिफर गरिएको हो । शर्माको हात र खुट्टामा चोट लागेको जनाइएको छ ।
