साउन ४ गते बुर्तिबाङ
बागलुङको बुर्तिबाङ बजार देखि ढोरपाटन आवत जावत गर्ने सडक मङ्गलबारको भारी वर्षात सँगैको बाढी र पहिरोका कारण सडक सञ्जाल अवरुद्ध भएको छ ।
ढोरपाटन नगरपालिका ७ दारबोट भन्ने स्थानमा सडक माथिदेखि खसेको पहिरोले सडक अबरुद्ध भएको छ । त्यस्तै ढोरपाटन नगरपालिका ९ लाकुरीबोट भन्ने स्थानमा भुजिखोलामा पानीको बहाव बढेपछि सडक कटान गर्दा सवारीका साधन सञ्चालन हुन नसक्ने अवस्था रहेको स्थानीयले बताएका छन ।
पहिरो गए लगत्तै ढोरपाटन नगरपालिकाको सक्रियतामा पहिरो हटाउने काम सुरु भएको ढोरपाटन नगरपालिका कार्यवाहक मेयर धन बहादुर कायतले बताउनु भयो ।
सालझण्डी ढोरपाटन सडक खण्ड अन्र्तगत पर्ने उक्त सडक अवरुद्ध हुँदा ढोरपाटन आउजाउ गर्ने पर्यटक र स्थानीयलाई सास्ती भएको छ ।
