तमानखोला गाउँपालिकाद्वारा गाउँसभा २०७९ को आठौँ अधिवेशन सम्पन्न ।

पुस २२ गते ।
तमानखोला गाउँपालिकाद्वारा हिउँदे सभा सोमबार सम्पन्न भएको छ । गाउँसभा २०७९ को आठौँ अधिवेशन सोमबार गाउँपालिका अध्यक्ष जोकलाल बुढाको अध्यक्षतामा सम्पन्न भएको हो ।
आयोजीत सभाले केहि नयाँ कार्यक्रम र योजना थप सहित चालु आर्थिक वर्ष २०८२/०८३ थप बजेट सभामा पेश गर्दै बजेट तथा कार्यक्रम रकमान्तर र केहि योजना संशोधन गरेर अगाडि बढाइएको छ । कार्यक्रममा गाउँपालिका उपाध्यक्ष हिरा कुमारी छन्त्यालद्वारा संशोधित बजेट प्रस्तुत गर्नुभएको हो । सभाले १ करोड २७ लाख बराबरको संशोधन तथा रकामान्तरणसहतिको बजेट तथा कार्यक्रम पास गरिएको हो ।
सभाबाट बेरुजु फछुयौट कार्यविधि २०८२ विधायन समिति संयोजक मोतिप्रसाद विकद्वारा प्रस्तुत विधेयक पारित गरिएको छ । त्यस्तै लेखा समिति गठन तथा कार्य सञ्चालन कार्यविधि २०८२ छलफलसँगै स्वीकृत गरिएको छ ।