चैत्र १० गते बुर्तिबाङ
शनिबार दिउँसो आगलागिबाट घर जलेर नस्ट हुँदा पिडामा रहेका ढोरपाटन नगरपालिका ४ भाङ्गीका नरेश बुढाको परिवारलाई लायन्स क्लब अफ ढोरपाटन र नेपाल रेडक्रस सोसाइटी उपशाखा बुर्तिबाङद्धारा घरमै पुगेर राहात हस्तान्त्रण गरिएको छ ।
घरमा साना बच्चाहरुले आगो खेलाउँदा सुरु भएको आगालागिबाट बुढा बस्दै आएको घरको संरचना पूर्ण रुपमा जलेर नस्ट भएपछि पिडामा रहेको परिवारलाई खाध्यान्ह, लत्ता कपडा, भाँडा कुँडा सहितको सामाग्रि उपलब्ध गराइएको लायन्स क्लब अफ ढोरपाटनका अध्यक्ष छविलाल पाण्डेले बताउनु भयो ।
नागरिकको समस्या र पिडामा मल्हम लगाउँदै आएको लायन्स क्लबले आगलागीको घटनाबाट पिडित परिवारलाई थोरे भएपनी मल्हम लगाउने उदेश्य सहित खाध्यान्ह, लत्ता कपडा भाँडाकुँडा सहितका सामाग्रि लिएर पुगेको पाण्डेले बताउनु भयो ।
ढोरपाटन नगरपालिका ४ का अध्यक्ष तिलक पुनको विशेष उपश्थितीमा आयोजित कार्यक्रममा नेपाल रेडक्रस सोसाईटी उपशाखा बुर्तिबाङले समेत म्याट, भाँडाकुँडा सहितका सामाग्रि उपलब्ध गराएको हो , संस्थाका उपसभापती लक्ष्मि वानीयाको उपश्थितीमा सामाग्रि उपलब्ध गराइएको थियो ।
नागरिकलाई दुख र समस्या पर्दा लायन्स क्लब र रेडक्रस सोसाईटीले गरेको सहयोग र सद्भाव महत्वपूर्ण रहेको बताउँदै राज्यबाट दिने सेवा सुविधाका निम्ती आफुले पहल गर्ने वडा अध्यक्ष तिलक पुनले बताउनु भयो , कार्यक्रममा लायन्स क्बल अफ ढोरपाटनका पदाधिकारी, जनप्रतिनिधी, प्रहरी, स्थानीय बासिन्दा लगाएतको उपश्थिती रहेको थियो । घर आगलागिमा नगद सहित खाध्यान्ह, लत्ता कपडा, भाँडा कुँडा पूर्ण रुपमा जलेर नस्ट भएको पाइएको छ ।
