ढोरपाटन नगरपालिकाले शुक्रबार १५ औँ नगर सभाबाट निती कार्यक्रम तथा बजेट ल्याउँदै गर्दा वडा नम्बर १ ले सभामा सहभागिता नजनाई बहिष्कार गरेको छ । आफ्नो वडामा पर्याप्त बजेट बिनियोजन नगरिएको र वडा सदस्यले समेत विरोध जनाएपछि आफूहरू नगर सभामा उपस्थित हुन नसकेको वडा अध्यक्ष वान बहादुर छन्त्यालले बताउनु भयो । वडा नम्बर १ जनसङ्ख्याको दृष्टिकोणले बढि रहेको र जनअपेक्षा बढि हुँदै गर्दा र वडा नम्बर १ बाट सबै भन्दा बढि राजश्व संकलन हुँदै गर्दापनि संकलित राजश्वको ८० प्रतिशत बराबर पनि वडालाई वार्षिक बजेट विनियोजन नभएका कारण १ नम्बर वडाका सबै जनप्रतिनिधिको सहमतिमा आफूहरू सभामा उपस्थित हुने नसकिएको अध्यक्ष छन्त्यालले बताउनु भयो । उता ढोरपाटन नगरपालिका कार्यवाहक मेयर धन बहादुर कायतले चित्त नबुझेको कुरामा छलफल र बहस मार्फत अगाडि बढ्नुपर्नेमा सभा बहिष्कार गरेर बस्नु अनुचित रहेको बताउनु भयो ।
ढोरपाटन नगरपालिका १ ले बहिष्कार गर्यो १५ औँ नगरसभा ।
