बुर्तिबाङ कात्तिक १९ गते
साझा वाम ÷लोकतान्त्रीक गठवन्धनका उमेद्वारलाई विजयी गराउनु अहिलेको मुख्य आवस्यकता रहेको वक्ताहरुले बताएका छन ।
संविधानलाई च्यातचेत पार्ने, दुई तिहाइको सरकार भताभुङ्ग पार्ने र रडाको मच्चाउने नेकपा एमालेलाई पाखा लगाउनका निम्ती साझा गठवन्धन बनेको बताउँदै जनताको विकास र समृद्धिका निम्ती गठवन्धनका उमेद्वारलाई जिताउनु पर्ने बताएका हुन। तमानखोला गाउँपालिका १ सिल्गुममा आयोजित चुनावी सभालाई सम्वोधन गर्दे नेता तथा उमेद्वारले जनतालाई साना तिना आश्वासन दिलाउने, मासु भात र मुद्रामा खरिद गर्न खोज्ने मतियारबाट सचेत रहन जनतालाई आग्रह गरेका हुन् ।
उनिहरुले थप वोल्दै गठवन्धनका साझा उमेद्वार सक्षम, क्षमता वान र विकास प्रेमी प्रतिनिधी सभाका उमेद्वार देवेन्द्र पौडेल र प्रदेश सभामा युवा नेता दोर्ण कुमार कुवंरलाई जिताउनु पर्ने बताएका हुन ।
आयोजित सभालाई सम्वोधन गर्दे प्रदेश सभाका उमेद्वार दोर्ण कुमार कुवंरले आफु जनतालाई कुनै झुठा आश्वासन दिन र मुद्रा दिएर प्रलोभनमा पार्न नआएको बताउँदै जनताको समस्या र मुद्धालाई पहिलो एजेन्डा बनाएर काम गर्ने गरी प्रदेश सरकारमा जान लागेको बताउँदै जनताले यहाँको विकास, समृद्धि र आवस्यकताको परिपूर्तिका निम्ती आफुलाई र गठवन्धनका साझा उमेद्वारलाई जिताउनुको विकल्प नरहेको बताउनु भयो ।
उहाँले थप वोल्दै जनताबाट आएका सुझावलाई लिएर काम गर्ने बताउँदै चाचल घाट र चित्रे घाट मोटरेवल पुल , झोलुङगे पुल निर्माण, सडक, कृर्षि, प्रर्यटन र समृद्धिका क्षेत्रमा आफु र गठवन्धनका उमेद्वारले जित हासिल गरेर सरकारमा पुगेपछि काम गर्ने प्रतिबद्धता जनाउनु भयो ।
आयोजित कार्यक्रममा नेपाली कांग्रेस जिल्ला उपाध्यक्ष सागर छन्त्याल, नेपाली कांग्रेस समानुपातीक उमे्द्वार दिलमाया पौवी, नेकपा माओबादी केन्द्र समानुपातीक उमेद्वार प्रेम रोका , नेपाली कांग्रेस क्षेत्रीय सभापती जोकलाल बुढा, तमानखोला गाउँपालिका वडा नंं २ का अध्यक्ष नारायण सुनार लगाएतले आफनो मन्तव्य राख्नु भएको हो ।
