कात्तिक २९ गते निसीखोला
वाम ÷लोकतान्त्रीक गठवन्धनको चुनावी अभियान निसीखोला गाउँपालिकाको वडा नंं ३ र ४ का विभिन्न स्थानमा सम्पन्न भएको छ ।
आगामी मंसिर ४ गते हुन लागीरहेको प्रदेश सभा र प्रतिनिधी सभा निर्वाचनको तयारी स्वरुप गठवन्धनका नेताहरुले देशको रक्षा, संविधान, लोकतनत्र र हालसम्म प्राप्त उपलब्धी जोगाएर राख्न गठवन्धनको जित आवस्यक रहेको बताएका छन् ।
जनताले करिव दुई तिहाई मत दिएर पठाएपनी नेकपा एमालेले आफनै सरकार भताभुङ पारेर संसद विघटन गर्ने र जनताको रगत पसिनाबाट ल्याइएको जनताको हक अधिकार गुमाउन खोजेको आरोप लगाउँदै प्रतिगमनकारी तत्वलाई भोट दिएर देशलाई दुर्घटनामा पार्ने काम अव जनताले गर्न नहुने बताएका हुन् ।
फरक प्रसंगमा वोल्दै नेपाली कांग्रेस जिल्ला उपाध्यक्ष तारानाथ पौडेल, राजमो प्रदेश उपाध्यक्ष खिम विक्रम शाही, नेकपा माओबादी केन्द्र गण्डकी प्रदेश सदस्य प्रेम घर्ति, नेकपा माओबादी केन्द्र निसीखोला गाउँपालिका अध्यक्ष कुविर विश्वकर्मा, नेपाली कांग्रेस निसीखोला सभापती सुर्य बहादुर घर्ति लगाएतले वोल्दै ढोरपाटन नगरपालिकालाई विधी पद्धती भन्दा बाहिर लगेर त्यहाँका जनताको निम्ती कुनै काम गर्न नसक्ने नगर प्रमुख देव कुमार नेपालीले निसीखोला गाउँपालिकामा आएर जनतालाई झुठो आश्वासन दिएर भ्रमको खेती नगर्न चेतावनी दिएका हुन ।
उनिहरुले वोल्दै जनताको काम गर्ने, विकास गर्ने र समृद्धि ल्याउने स्थानीय सरकार, प्रदेश सरकार र संघिय सरकार रहेको प्रस्ट पार्दे मासु भातमा व्याक्तिको पछि लागेर आफनो इज्जत र पहिचान नवेच्न मतदातालाई अपिल गरे ।
प्रदेश सभा उमेद्वार दोर्ण कुमार कुवंर सहित नेता कार्यक्रताको उपश्थितीमा निसीखोला गाउँपालिका वडा नंं ४ को थापागाउँ, झिवाखोला, वडा नंं ३ को धाडखर्क, जुग्जाखोला लगाएतका स्थानमा मतदाता भेटघाट तथा चुनावी सभा सम्पन्न भएको हो ।
आयोजित सभालाई सम्वोधन गर्दे गठवन्धनका प्रदेश सभा उमेद्वार दोर्ण कुमार कुवंरले जनताको समस्यालाई सम्वोधन गर्नका निम्ती आफु साझा गठवन्धनको तर्फदेखी प्रदेश सभामा उमेद्वारको रुपमा जनताको घरदैलोमा आएको बताउँदै यस क्षेत्रको विकास निर्माण र जनताको हक अधिकार स्थापित गर्न प्रदेश सभामा आफुलाई र प्रतिनिधी सभा तर्फ देवेन्द्र पौडेललाई विजयी गराउन अपिल गर्नुभयो ।
जनताका समस्या धेरै छन गर्नुपर्ने विकास निर्माणका काम धेरै बाँकी छन ति अधुरा काम पुरा गर्नका निम्ती गठवन्धनको सरकार र गठवन्धनका उमेद्वारको जित आवस्यक रहेको बताउँदै सक्षम व्याक्तिलाई रोज्न मतदातालाई अपिल गनुभयो ।
आफुले निर्वाचन जितेर गएपछि जग्जाखोला, धाडकखर्क, छापाखोनी , प्युठान सडक निर्माण, छापाखानी, वोहोरागाउँ झिवाखोला सडक कालोपत्रे, झिवाखोला – थापागाउँ सडक कालोपत्रे लगाएत यस क्षेत्रमा जनताको समस्याको रुपमा रहेको शिक्षा, स्वास्थ्य, कृर्षि , प्रर्यटन लगाएत विकास निर्माणमा तिनै तहको सरकार मिलेर काम गर्ने प्रतिबद्धता जनाउनु भयो ।
